Райондашларыбызны “Россия чаңгы юл­лары-2023”кә чакырабыз!

  Халыкны спортка тарту,  сәламәт  яшәү рәвешен пропагандалау  максатында районыбызда 11 февральдә   “Россия чаңгы юл­лары-2023”, “Татарстан чаңгы юллары-2023” массакүләм ярышлары булачак. Авылларда бәйгене  үткәрү  урыннарын җирлек башлыклары билгели.  Сабада район  мәдәният йорты артындагы трассада  ярышлар сәгать 11дә, мәктәпкәчә яшьтәге балаларга  200 метрга старт бирелү белән башланып  китәчәк. Ир-егетләр һәм хатын-кызлар 3  километрда узышачак. Ярышта оешма-учреждение җитәкчеләренең  катнашуы  мәҗбүри. Шулай ук VIP-узыш та үткәреләчәк. Катнашучыларны теркәү 9 сәгатьтә башлана.