Саба янгын сүндерүчеләре өчен Яңа ел каникуллары тыныч узды

  Яңа ел каникулларында республикабызның кайбер районнарында шәхси хуҗалыкларда янгыннар килеп чыкты. Кызганычка каршы, кеше үлеменә китергән очраклар да булды. Әйтик, Актаныш районы Зөбәер авылында бер катлы агач йорт янып, 47 яшьлек ир-ат һәм 40 яшьлек хатын-кыз вафат булды.  Чирмешән авылында чыккан янгында җиде яшьлек кызның гомере өзелде.

  Безнең янгын сагында  торучылар  өчен Яңа  ел  каникуллары тыныч  узган. Теләче  һәм  Саба районнары  буенча  янгын күзәтчелеге бүлеге начальнигы Айнур Галимуллин 2024 елда да гражданнарның ут-күздән  саклану  кагыйдәләрен  үтәүгә шулай җаваплы   карауларын  сорый.