Саба яшьләре Айгөл һәм Данияр Мифтаховлар законлы никахларын Мәскәү каласында рәсмиләштерде
Мәскәүдә «Россия» Халыкара күргәзмә-форум кысаларында Гаилә елына багышланган Бөтенроссия туй фестивалендә райондашларыбыз да катнашты.
16 май көнне ВДНХ күргәзмәләр үзәгендә Татарстан көне узды һәм анда республикадан бердәнбер пар- Айгөл һәм Данияр парын язылыштырдылар.
Айгөл кәләшебезнең зифа буен милли орнаментлар белән чигелгән затлы татар күлмәге, башын биек, матур калфак бизәде, Данияр да өстенә бик килешле затлы костюм-чалбар кигән иде. Чарага килүчеләрнең күз карашлары күбесенчә әлеге парда булды! Язылышу процессы төгәлләнгәч, яшьләр ихлас котлау сүзләре, матур теләкләр кабул иттеләр.
Данияр Иске Мичән авылы егете, Айгөл Кызыл-Мишә авылы кызы. Яшьләр 7 ел очрашып йөргәннәр, икесе дә күп балалы гаиләдән. Мәскәүдә алар белән Саба Гражданлык хәле актларын теркәү бүлеге җитәкчесе Гөлнар Шәфыйкова һәм яшьләрнең әти-әниләре, туганнары да, Татарстан Республикасы "Агыйдел" җыр һәм бию ансамбле дә катнашты.
Следите за самым важным и интересным в Telegram-каналеТатмедиа
Нет комментариев