Саба районы «Балкыш» үзәге хезмәткәрләре махсус операциядә катнашучылар белән очрашты

  1 июльдә Саба муниципаль районының  «Балкыш» халыкка социаль хезмәт күрсәтү комплекслы үзәге хезмәткәрләре  махсус хәрби операциядә катнашучылар һәм аларның гаилә әгъзалары белән очраштылар.

 Сугыш хәрәкәтләре ветераннары   көнендә Халыкка социаль хезмәт күрсәтү үзәге хезмәткәрләре батырлыклары өчен, ә аларның хатыннарына һәм әниләренә мәхәббәт, ярдәм һәм сабырлыклары өчен рәхмәт белдерделәр.

   Бу дата безгә сугышчан операцияләрдә катнашучыларны,  янәшәбездә яшәүчеләрне һәм инде яныбызда булмаганнарны хәтерләтә. Барлык геройларга озын гомер һәм тыныч күк йөзе телибез!