Саба районында диспансеризация вакытында 22 кешедә яман шеш авыруы ачыкланган

Саба район үзәк хастаханәсеннән алынган мәгълүматларга караганда, 2022 елда Саба районында 6911 кеше диспансеризация үткән, 22 кешедә башлангыч стадиядә яман шеш авыруы ачыкланган. 

Диспансерлаштыру барышында, маммография узган 1895 хатын-кызның 12сендә патология (4 яман шеш) ачыкланды. 3517 кеше яшерен канга тикшеренүләр узды, аларның 479ында патология (7 яман шеш) авыруы табылды, ПСАга анализ тапшырган 506 ир-атның 20сендә яман шеш авыруы табылган.