Сабада кан тамырлары үзәге төзелә

автор, 12 март 2024 - 13:37

2089

Бөтендөнья сәламәтлек саклау оешмасы бәяләвенчә, һәр елны йөрәк-кан тамырлары авыруыннан дөньяда 18 миллион кешенең гомере өзелә. Бу – үлүчеләрнең өчтән бер өлеше, дигән сүз!

Ниһаять, безнең дә әлеге авыру белән күзгә-күз очрашучыларны дәвалый торган медицина учреждениебез булачак. Районыбызда "Саба үзәк район хастаханәсе"нең кан тамырлары үзәген төзү эшләре башланды. Төзелешне "Алтын Групп "җаваплылыгы чикләнгән подряд оешмасы башкара. Үзәк 32 койкага исәпләнгән, ә аның гомуми мәйданы 6,5 мең кв.метр тәшкил итә. Хәерле сәгатьтә булсын!