Сабалылар «Казан Экспо»да узачак халыкара күргәзмәгә җыена

   2026 елның 11-13 февраль көннәрендә «Казан Экспо» Халыкара күргәзмә үзәге территориясендә «Казан Агро – 2026» АСК казанышларының махсуслаштырылган авыл хуҗалыгы күргәзмәсе узачак. Анда бөтен Россиядән 300дән артык компания һәм 12 500 АСК белгече катнашуы көтелә. Күргәзмә экспозициясенең гомуми мәйданы 35 000 кв.метрдан артып китәчәк. Чарага эшлекле программа кертеләчәк, аның кысаларында конференцияләр, түгәрәк өстәлләр, семинарлар һәм мастер-класслар каралган, шулай ук авыл территорияләрен үстерүгә багышланган «Агротуризм» бүлеге тәкъдим ителәчәк. Күргәзмәдә районыбызның авыл хуҗалыгы предприятие җитәкчеләре, белгчләре  катнашуы көтелә.