Шәмәрдәндә районыбызның иң иҗади гаиләләрен ачыкладылар

  5 июль көнне Шәмәрдән мәдәният йортында Гаилә елына багышланган «Саба районының иҗади гаиләләре» район конкурсы узды.  Конкурсның максаты: рухи кыйммәтләрне һәм гаилә традицияләрен формалаштыру. Конкурсны Шәмәрдән мәдәният йорты хезмәткәрләре «Бишек җыры» вокаль-театральләштерелгән постановкасы белән ачтылар.  Конкурста Саба районының гаилә коллективлары катнашты. Конкурсантлар вокаль-инструменталь композицияләр, нәфис сүз, вокал, бию, гамәли сәнгать тәкъдим иттеләр. Конкурс җылы һәм дуслык атмосферасында узды, тамашачылар катнашучыларны бик теләп якладылар һәм аларга алкышлар белән ярдәм иттеләр. Конкурс ахырында Саба районы мәдәният бүлеге башлыгы Рөстәм Заһидуллин котлау сүзе белән чыгыш ясады. Барлык гаиләләр дә район башлыгының дипломнары һәм призлары белән бүләкләнделәр.