Сатыш авыл җирлегендә Ватан геройлары көнен билгеләп үттеләр

Илебез бүгенге көн геройларын хөрмәтли һәм үткән геройларны искә ала. Бу көнне Сатыш авыл җирлегенең бюджет учреждениеләре җитәкчеләре һәм балалар һәйкәлгә чәчәкләр салдылар, һәлак булганнарны бер минут тынлык белән искә алдылар. Ш.З.Зиннуров исемендәге Сатыш урта мәктәбендә дә Ватан Геройлары көненә багышланган Батырлык сәгатьләре үтте. Әлеге чара укучыларга чын каһарманнарның батырлыклары, фидакарьлекләре турында белү өчен яхшы мөмкинлек булды.