«Ура, авылга!»да өченче көн: яңа җырлар өйрәнделәр һәм яктылык кайтаргычлар ясадылар

«Ура, авылга!» ның күңелле 3 нче көне

Менә «Ура, авылга!» сменасының 3 нче көне дә күңелле форматта үтеп китте. Мишәбашта катнашучылар болында татар халык уеннарын уйнадылар, халкыбызның җырларын искә төшерделәр.

Эзмәдә шушы җирлектә туган иҗади шәхесләр белән бик кызыклы очрашу булды, көннең азагы саф һавада татар коймагы белән тәмле чәй эчеп тәмамланды

Тимершыкта шулай ук бик кызу көн булды, биредә гитарага кушылып халкыбызның матур җырларын өйрәнделәр, татар орнаменты төшереп яктылык кайтаргыч ясадылар.