Хезмәт алдынгыларын район башлыгы тәбрикләде

Авыл хуҗалыгы җитештерүендә күпьеллык нәтиҗәле хезмәте өчен «Симет» җәмгыяте эретеп ябыштыручысы Хәлим Хатыйм улы Нуриев  Саба муниципаль районының Мактау грамотасы белән бүләкләнде.

Агросәнәгать комплексында күпьеллык нә­тиҗәле хезмәте өчен Саба «Мелиорация» күчмә механикалаштырылган колоннасы җәм­гыяте машина йөртүчесе Ленар Зөфәр улы Сәләхиев; районның иҗтимагый тормышында һәм волонтерлык хәрәкәтендә актив катнашканы өчен «Бөтенроссия иҗтимагый оешмасы «Бөтенроссия инвалидлар җәмгыяте» Саба районы җирле иҗтимагый оешмасының Олы Кибәче авыл җирлеге беренчел ячейкасы рәисе Гөлзифа Борис кызы Нуретдинова; җирле үзидарә органнарының бухгалтерлык исәбе һәм хисаплылык өлкәсендә күпьеллык намуслы хезмәте өчен Мишә авыл башкарма комитеты баш бухгалтеры Гөлфия Сабир кызы Андреева  Саба муниципаль районы Башлыгының Рәхмәт хаты белән бүләкләнделәр.