Хөрмәтле гүзәл затлар, кадерле әниләр!

Сезне яз, мәхәббәт һәм гүзәллек бәйрәме – Халыкара хатын-кызлар көне уңаеннан ихлас котлыйбыз. Бары тик хатын-кыз күңелендә генә ана мәхәббәтенә, гаиләне саклау, газизләренең хәленә керә белү сыйфатларына урын даладай киң. Булдыклы хатын-кызларыбыз нинди генә эшкә алынсалар да, һәрвакыт уңышка ирешә. Аларга авыл хуҗалыгында, сәнәгатьтә, медицина, мәгариф, мәдәният социаль өлкәләрдәге хезмәтләре өчен рәхмәт сүзләребезне җиткерәбез. Дәһшәтле сугышның бар авырлыгын кичергән ветеран хатынкызларыбыз аеруча хөрмәткә лаек. Ямьле бәйрәм сезнең һәрберегезгә бик күп сөенечләр, рухи күтәренкелек, киләчәккә матур өметләр бүләк итсен! Сезгә бәхет, сәламәтлек, мәхәббәт, игелек һәм иминлек телибез.

Саба муниципаль районы Советы һәм башкарма комитеты.