«Әбиле-бабайлы балачак» бәйгесе: Габсаттарова Зәмирә

Әбиле-бабайлы балачагым,
Сиздерми генә үтеп барасың.
Бер үк алдан ала күрмә ялгыш
Минем байлыгымны - әй язмыш.
Әби-бабай - ике пар канат күк,
Яшиләр бит сөеп-куанып.
Миңа алар бүген бик тә кирәк,
Һәр эшемдә алар миңа терәк.
Әбием - Илсөя
Һәрвакыт илне сөя.
Киң күңелле, мәрһәмәтле,
Кылган эше бары изгелек.
Тормыш авыр, язмыш кыен,
Авырлыклар килеп торсада.
Кулы гел дога да, күңеле чиста,
Ышанычы бары Аллаһта.
Бабаем - Илгиз!
Бик тырыш һәм миңа бик газиз.
Ярдәм кулы сузу
Аның төп девизы.
Үзе уңган, үзе тырыш,
Бар теләге тыныч, бәхетле тормыш.
Шушы ике газиз парым минем
Тормышымның олы бүләге.