«Әбиле-бабайлы балачак» бәйгесе: Мичәннән Алия һәм Дилия.

     Ул безнең дөньядагы иң яхшы,супер әби. Кайткан саен ул безне иң тәмле ризыклары белән сыйлый,матур әкиятләр сөйли, кирәк чакта яклый да әле. Иң мөһиме -безне сабыр гына эшкә өйрәтә. Быел да җиләккә баргач, ул безгә дару үләннәре, аларның файдалы үзлекләре турында сөйләде. Ничек итеп дөрес җыярга кирәклеген аңлатты. Без рәхәтләнеп аңа булыштык, туйганчы җиләк ашадык. Салкын кыш көнендә шушы хуш исле үләннәрдән тәмле җиләк белән чәй эчәрбез, Алла боерса. Сез дә килегез!
      Әби белән булган вакытлар матур хатирә булып, күңелләрдә озак сакланса икән!