Саба таңнары
  • Тат Рус Лат
  • Октябрь башында Татарстанга әбиләр чуагының өченче дулкыны килә

    Төбәк антициклон йогынтысында калса, республикага кабат җылы көннәр киләчәк.

    Октябрь башында Татарстанга әбиләр чуагының өченче дулкыны килергә мөмкин. Республика антициклон йогынтысында калса, температура күтәрелү көтелә. Бу хакта КФУның Экология һәм табигатьне куллану институтының метеорология, климатология һәм атмосфера экологиясе кафедрасы мөдире Юрий Переведенецев белдерде дип яза уку йортының матбугат хезмәте.

    Әбиләр чуагының икенче дулкыны республикада узган ялларда булды. Татарстанда һава торышы төньяк-көнбатыштан килгән циклон нәтиҗәсендә үзгәрде. Алдагы көннәрдә фронт узу көтелә, шул сәбәпле тәүлек эчендә айлык норманың чиреге – 9-10 мм явым-төшем көтелә, диде галим.

    Татарстан циклонның тышкы ягында калгач, һава температурасы төшәчәк. Көндез термометр баганалары 10 градустан да югары күтәрелмәячәк. Россия Гидрометүзәге мәгълүматлары буенча, 1 октябрьгә төнлә температура бер градуска кадәр төшәргә мөмкин.

    Һава температурасы уртача көнлек нормага җитте, ә атна ахырына аннан бераз түбән төшәргә мөмкин. Гомумән алганда, Татарстанда 2018 елның сентябре гадәттәгедән 3-4 градуска җылы булачак.

    Юрий Переведенцев сүзләренчә, быелгы август һәм сентябрь метеокүзәтүләр тарихына иң җылылары булып кереп калачак.

    Фото: Михаил Захаров/архив

    https://tatar-inform.tatar

    Нравится
    Поделиться:
    Реклама
    Комментарии (0)
    Осталось символов: