“Менә шулай туган Гүмәч бу…”, – Ландыш Нигъмәтҗанова өченче баласының туу тарихын искә ала
28 февральдә Ландыш Нигъмәтҗанова белән Фәрит Таишевның төпчек улына 4 яшь тулган. Бу шатлыклы вакыйга белән уртаклашып, Ландыш Инстаграм битендә Гомәрнең туу тарихын язган. “Килдем дә, таптым да. Менә шулай туган Гүмәч бу…”, ди җырчы.
“Бездә бит бүген “сатлык” (Гомәр әтмешли)! Бүген безнең Гүмәчебезнең туган көне! 4 яшь! Үткән дә киткән, 4 ел… Әле дә хәтердә… 28 февраль, шимбә… Йөрим “Татарча солянка”га әзерләнеп, биючеләр кием эзләп, фото җибәрә… сәгать 12 ләр… Йөрим-йөрим, уйлана башладым, эчләрем авырткалап йөри башлагач, аннары тагын да көчәйде… (әхә мин әйтәм, булды бу, ә вакыты 17 мартта иде)… Фәриткә әкрен генә әйттем, (әкрен генә булмаган ахрысы, төсләре үзгәрде… Башта кызыл, аннары зәңгәр, аннары сары… Җыендык та, пакетлар әзерләп куйган идек инде), Фәриткә дә (бергә таптык) Киттек! “По пути” шалтыраттым администраторыбызга, “Солянкага килә алмыйм”, дип… Килдем дә, таптым да. Менә шулай туган Гүмәч бу… Улым! Сине чын күңелдән котлыйбыз! Исәнлек, сәламәтлек, озын гомер! Тәүфик! Безне шатландырып, сөендереп, яратып яшә! Без сине яратабыз!”, дип уртаклашкан Ландыш Нигъмәтҗанова.
Фото: скриншот инстаграм
Следите за самым важным и интересным в Telegram-каналеТатмедиа
Нет комментариев