“ТямаевFEST”: 20 меңгә якын тамашачы, ихлас чыгышлар, уеннар, кызыклы һәм үтемле фикерләр [видео]

Татар халкының милли бәйрәме Сабантуй үткәрү йолаларына тугры калган “ТямаевFEST” Фирдүс Тямаевның «Кайтам авылыма» исемле тирән мәгънәле җыры белән башланып китте. Фирдүс авылдашлары һәм килгән кунаклар алдында үзенең авылы белән чиксез горурлануын белдерде.

ТямаевFEST” быел — 2019 елны 3 нче тапкыр үткәрелә Һәм ул елдан-ел матурая, кунаклар күбәя бара. Фирдүс Тямаев әйтүенчә, әлеге чара халыкны тагын да берләштергән. «Авыл уртасындагы үзәк күперне ясадык район белән бергәләп, басма ясадык. Безнең авыл бик дус, без кайгыда да бергә, шатлыкта да. Шуңа күрә мин, кая гына барсам да, «Норлат, алга, мишәрләр, алга», дип әйтәм», — ди җырчы.

Әлеге бәйрәмне чын мәгънәсендә Сабантуй дип атап була. Тамашада Фирдүс Тямаевның, төркеменең һәм иҗатташ дусларының сәхнәдәге ихлас чыгышлары милли уеннар белән үрелеп бара.

Иҗатташ дуслары да Фирдүскә югары бәя бирә:

«Беркемгә тынгылык юк бу Фирдүс белән, бөтен менә шундый чараларны башлап йөрүче ул. Аннары гына без — башка җырчылар Фирдүстән карап, зурлап бәйрәмнәр оештыра башладык туган якларыбызда. Бөтен татар халкын дер селкетеп тора торган кеше. Бик зур хөрмәткә лаеклы шәхес!» — ди бәйрәмдә чыгыш ясаучы Илсөя Бәдретдинова.

Юмор остасы Әбри Хәбриев исә беренче чыгышыннан ук шаярта башлады: «Юк, мин аңламадым: нишләп монда түбә юк, нишләп монда күл юк?» — диде ул Фирдүскә. Фирдүс Тямаев та югалып калмады: «Безгә монда түбә дә кирәкми, су да кирәкми. Алдыңда 20 меңгә якын тамашачы — безгә шул да бик җиткән!» — дип җавап бирде ул.
 

 

 

 

 

Посмотреть эту публикацию в Instagram

 

 

 

 

 

 

 

 

 

#тямаевфест бер багажник бүләк белән кайттым. @firdustyamaev_official Чиләк,иләк,коштабак,гөл савыты,таз,көрәк,горшок...уууффф тагын мин исемен белми торган нәрсәләр... 🤪🤪🤪

Публикация от Ильсия Бадретдинова (@ilsiiabadretdinova) 21 Июл 2019 в 1:10 PDT

Фото:скриншот инстаграмм

https://tatar-today.ru