Имгәнгән малайны Балалар республика клиник хастаханәсенә озатканнар.
Казанда Беломорская урамында “зебра”да 10 яшьлек малайны җиңел машина бәрдергән. Бу турыда “Татар-информ” агентлыгына Дәүләт автоинспекциясендә хәбәр иттеләр.
Юл-транспорт һәлакәте бүген Казанның Авиатөзелеш районында булган. Беренчел мәгълүматларга буенча, “Шевроле” җиңел машинасын йөртүче җәяүлеләр йөри торган “зебра”да 10 яшьлек укучы малайны бәрдергән.
“Татар-информ” агентлыгына Татарстан Сәламәтлек саклау министрлыгы матбугат хезмәтендә хәбәр итүләренчә, малайны Балалар республика клиник хастаханәсенә китергәннәр.
Нет комментариев