19 май- Татарстан Матбугаты көне

Барыгызны да Татарстан матбугаты көне белән ихлас котлыйбыз! Район газетасы – һәр гаиләнең көтеп алган рухи  азыгы. Сез үтә  җаваплы эш башкарасыз. Халыкны мәгълүматлы итү, һәр яңалыкны укучыга җиткерү сәяси зирәклек, иҗтимагый тормыш тәҗрибәсе таләп итә. Яңа техник мөмкинлекләрне нәтиҗәле кулланып, интернет битләрендә, социаль челтәрләрдә дә актив эш алып барасыз. Районда яшәүчеләр һәрвакыт сезнең белән тыгыз элемтәдә. Районыбыз эшчәнлеген оператив яктыртуда, җитәкчелек һәм халык арасында ышанычлы элемтә булдыруда куйган хезмәтегез өчен олы рәхмәтебезне белдерәбез. Барыгызга да сәламәтлек, гаилә бәхете,  тыныч тормыш һәм яңа иҗади уңышлар телибез. Сүзегез үткен-үтемле, уйландырырлык, хәбәрчеләрегез актив булсын, укучыларыгыз артып торсын”,– диелә котлауда .