Аяклары җиңел булды

Әмма хәзер матур табигатьле авылда шактый дәрәҗәдә җанлылык сизелә. Кайберәүләр туган нигезләрен калдырып район үзәгенә омтылганда, Мәртендә, киресенчә, Сабадан килеп йорт салучылар да бар. Мисал өчен, моңарчы Сабада яшәгән Расим Вакказовлар Яңа ел кичен Мәртендә төзелгән йортларында үткәрделәр. Шулай ук Чулпан һәм Илмир Билаловлар да үз нигезләрен кору өчен шушы авылны сайлаганнар иде. Кем әйтмешли, аларның аягы җиңел булды. Хәзер Мәртендә тагын биш йортка нигез салынган.