Белемнең чиге юк

"Саба" җәмгыятенең "Сатыш" филиалы базасында Мари-Эль Республикасының җаваплылыгы чикләнгән "Генетик" җәмгыяте белгечләре зоотехник-селекционерлар белән өч көнлек укулар үткәрде. Белгечләр алдында Израильдә мөгезле эре терлекләр буенча классификация белгече Дэвид Дрор чыгышы аеруча зур кызыксыну белән тыңланды. Укуларның практик өлеше Бигәнәй фермасында алып барылды. Район авыл хуҗалыгы һәм азык-төлек идарәсенең терлекчелек бүлеге белгечләре җитәкчелегендә "Курсабаш", "Алтын Саба-М" җәмгыятьләрендә һәм "Сатыш" филиалында төзелгән яңа тораклар белән таныштылар.