Кичә, бүген, иртәгә
Илфак Шиһапов тагын бер яңа гәҗит чыгара
Күптән түгел "Тишек" дигән газета ачкан Илфак Шиһапов яңа басма чыгара башлый.
"Нихәл, Кызый?"ның беренче номеры инде әзерләнеп ята икән. Ул А4 форматында 32 биттә, төсле булып чыгачак. Башка күп кенә газеталардан аермалы буларак, битләрен ертып аерасы юк, чөнки алар тегелгән.
- Татарга татарча хатын-кызлар өчен газета кирәме? Уйлавымча, әлбәтттә, кирәк. Чөнки бүген, бөтен тормыш шул хатын-кызлар кулына күчеп бара, - диде күптән түгел Илсөя Бәдретдинова белән аерылышкан Илфак, - Ә хатын-кызның тормышында нинди кайгы-борчулар, нинди шатлыклар барын гел белешеп, аның белән, урысча әйтсәк, "по душам" сөйләшүчеләр күпме? Минемчә, күп түгел. Менә шул мантыйктан чыгып, яңа елдан "Нихәл, Кызый?" исемле газета чыгара башлыйм.
Беренче номерның беренче битендә кем булыр дип уйлыйсыз? Әлбәттә, Илсөя Бәдретдинова.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев