Сабалылар якташлары исемен аклады

автор, 27 февраль 2013 - 12:09

990

Бүген Саба гимназиясе базасында мәктәп укучыларының Әбрар Кәримуллин исемендәге фәнни-гамәли конференция уздырылды.

Өченче ел үткәрелүче әлеге чарада республиканың 23 районыннан 148 укучы катнашты. Егет-кызларның фәнни хезмәтләренә Казан федераль университетының филология һәм сәнгать институты укытучылары бәя бирде. Конференциядә актив катнашучыларга ТР Мәгариф һәм фән министрлыгы Дипломнары, призерларга Грамоталар тапшырылды. Саба районы мәктәпләре укучылары барысы 20гә якын призлы урын алуга ирештеләр.