Шәмәрдәндә яшәүче Анастасия Степановна Егоровага – 90 яшь [+фоторепортаж]

2016 елда районның иң өлкән кешеләре исемлегенә Шәмәрдәндә яшәүче Анастасия Степановна Егорова беренчеләрдән булып керде. Ветеранга 2 гыйнварда 90 яшь тулды. Анастасия Степановнаны олы юбилее белән Саба муниципаль районы башкарма комитеты җитәкчесе урынбасары Таһир Шәрәфиев, социаль яклау бүлеге начальнигы Марсель Хуҗин, Шәмәрдән авыл җирлеге башлыгы Айдар Гәрәев тәбрикләде. Россия Президенты В.Путинның 90, 95, 100 яшьлекләргә бирелә торган Котлавын алган ветеран әле дә күзлексез генә газета укый, кызлары белән кесә телефоныннан сөйләшә, оныклары, аларның балалары белән аралаша.