Стадионда көч сынашу [+фоторепортаж]

Ярышлар өч спорт төре буенча үткәрелде. Ир-егетләр белән хатын-кызлар йөгерү, озынлыкка сикерү һәм ядрә ыргыту дисциплиналарында катнашып үзләренең көчләрен сынадылар. Азат Сәмигуллин (Эзмә авыл җирлеге), Азат Әхмәтов (Саба), Илшат Шәңгәрәев (Төбәк), Зилә Хассамова (Югары Симет), Раил Галиәкбәров (Шәмәрдән), Зилә Габдерахманова (Сабабаш), Галинур Фәйзеров (Лесхоз) ярышларның берничә төрендә призерлар булдылар. Приз­лы урыннар яулаган катнашучыларга диплом һәм конвертлар тапшырылды. Ә иң осталар үзләренә Республикакүләм ярышларга барырга юл ачтылар. Республика буенча ярышлар Баулы шәһәрендә шушы атна ахырында узачак.

Фоторепортаж