Урман утырту көнендә

8 октябрьдә республикабызда уңай экология вәзгыяте булдыру максатында, табигатьне саклауга багышланган "Урман утырту көне" үткәрелде. Әлеге чарада Саба урманчылары да актив катнаштылар. Урманчылык участоклары коллективларының уртак тырышлыгы белән барысы 32,5 гектарда 116 мең төп агач утыртылды. Шуның 28,6 гектары елга-ерганаклы урыннарга, 3,9 гектары дәүләт урман фонды мәйданнарына туры килә. Әйтик, Курса урман участогыннан килгән ике техника Сабай болынында 5 гектарда яшь чыршы-нарат үсентеләре утыртты.