Саба таңнары
  • Тат Рус Лат
  • Татар дәүләт филармониясе тамашачыларны виртуаль концерт залына чакыра

    Концертларны «Виртуаль концерт залы» бүлегендә карарга була.

    Габдулла Тукай исемендәге Татар дәүләт филармониясе концерт эшчәнлеген вакытлыча туктатты. Шул сәбәпле, элеккечә югары сәнгать белән ләззәтләнергә чакыра һәм концертларның архив видеоязмаларын тәкъдим итә һәм үз коллективларының чыгышларын турыдан-туры трансляцияли. Бу хакта ТР Мәдәният министрлыгы матбугат хезмәте хәбәр итә.

    Концертларны филармония сайтының «Виртуаль концерт залы» бүлегендә карарга була.

    Концертларның видеоязмасы 1 көнгә урнаштырылачак. Аларны теләсә кайсы интернет-браузердан карап булачак. Карау өчен махсус теркәлү таләп ителми, пауза, тавышны көйләү, тулы экранлы режим, вакыт буенча өзекләр сайлау мөмкинлеге бар. Концертлар 11.00 сәгатьтә башлана.

    Татар филармониясе архивыннан концертларның видеоязмаларын трансляцияләү графигы:

    27.03.2020 Төрки дөнья сәнгать осталары концерты. «Филармониада» Халыкара сәнгать фестивале.

    01.04.2020 СССРның халык артисты Рөстәм Яхинның тууына 90 ел тулуга багышланган концерт. «Филармониада» Халыкара сәнгать фестивале (2011).

    10.04.2020 Татарстанның халык артисты, Россиянең атказанган артисты, Г.Тукай исемендәге премия лауреаты Айдар Фәйзрахмановның Юбилей концерты.

    11.04.2020 «Гәрәбә» Татарстан Республикасы Дәүләт фольклор музыка ансамбле концерты.

    Фото: архив/Владимир Васильев

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: