Актриса Анжелика Волчкова вафат

Россиянең атказанган артисты Анжелика Волчкова Пасхага каршы төндә 47 яшендә вафат булган, дип хәбәр итә ТАСС.

Мәскәүнең “Школа современной пьесы” театрының әйдәп баручы актрисасы каты авырудан соң 47 яшендә вафат булган.

Мәрхүм белән хушлашу чарасы 10 апрельдә актриса эшләгән театрда узачак. Ул туган ягы Пензада җирләнәчәк. 

11 апрельдә “Школа современной пьесы” сәхнәсендә Гоголь әсәре буенча куелган “Шинель/Пальто” спектакле күрсәтеләчәк. Ул Волчкова истәлегенә багышланачак, актриса соңгы ролен шул спектакльдә уйнаган.

Фото: открытые источники в Сети

http://tatar-inform.tatar