Саба таңнары

Сабинский район

18+
2024 - Гаилә елы
Яңалыклар

Балалар өчен коронавируска каршы вакцина гыйнвар азагында кайтыр дип көтелә

Татарстан Сәламәтлек саклау министрлыгының баш эпидемиологы Дмитрий Лопушов «Спутник M» вакцинасына 200 мең күләмендә заказ бирелгәнен әйтте.

Татарстанда балалар өчен коронавируска каршы вакцина гыйнвар азагында кайтыр дип көтелә.

Татарстан Сәламәтлек саклау министрлыгының баш эпидемиологы Дмитрий Лопушов «Спутник M» вакцинасына 200 мең күләмендә заказ бирелгәнен әйтте. 

Вакцинация олыларга кебек үк ике этапта уздырыла, икенчесе 21 көннән кадала. «Балалар өчен вакцина назаль булачак яки борынга тамызылачак дигән сүз йөри, бу дөрес түгел», — дип белдерде баш эпидемиолог. Ул прививка, олыларга кебек үк, кулбашына ясалачагын әйтте.

Дмитрий Лопушов прививка ясаган урын бер-ике көн генә авыртып тору ихтималлыгы турында кисәтте. Шулай ук, температура булуы ихтимал. Ул очракта, температураны төшерә торган дару эчергә мөмкин.

Прививка турында белешмә Дәүләт хезмәтләре порталында булачак: QR-код белән сертификат шунда килә. Эпидемиолог QR-код белән бәйле чикләүләр балаларга кагылмавын әйтте.

Фото: t.me/tatmediaofficial

Чыганак: tatar-inform.tatar

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X