Башкортстан Башлыгы Рөстәм Хәмитов отставкага китте
Республика җитәкчесе 2019 елда Башкортстан Башлыгын сайлауда катнашмаячагын әйтте.
Башкорстан Республикасы Башлыгы Рөстәм Хәмитов вазифасыннан китүе хакында белдерде. Бу хакта ТАСС хәбәр итә.
Рөстәм Хәмитовка 64 яшь. Ул Башкортстан Президенты вазифасына 2010 елда килде. 2014 елда кабат бу вазифага сайланды. 2014 елның азагында ул Президент вазифасын Башлыкка үзгәртте. Бүген, Башкортстан Республикасы көнендә, ул үз теләге белән срогыннан алда вазифасыннан китүен белдерде. Рөстәм Хәмитов 2019 елда булачак республика Башлыгын сайлауда катнашмаячагын әйтте.
"Минем фикеремчә, төбәк җитәкчеләре өлкән яшькә җиткәч, үз вакытында эшчәнлеген тәмамлау турында карар кабул итәргә һәм үз дәрәҗәләрен саклаган хәлдә китәргә тиеш", - диелә Хәмитов белдерүендә.
Фото: glavarb.ru
Следите за самым важным и интересным в Telegram-каналеТатмедиа
Нет комментариев