Саба таңнары

БДИ: Укучылар күбрәк нинди фәннәрне сайлаган

БДИның төп дулкыны башланды: кичә чыгарылыш укучылары география һәм рус әдәбия­тын­нан имтиханнар тап­шыр­ды. Таләпләрнең катгыйлануы һәр укучыга аңлатылса да, Интернет-сайтларда аларның башын әйләндерергә теләү­челәр аз түгел. Рособр­надзор башлыгы Сергей Кравцов андый игъланнарга алданмаска киңәш итә. - Быелгы БДИ тестларын Интернетта сату тәкъ­дим­нәре - ялган өчен акча талау гына. Алар аны...

БДИның төп дулкыны башланды: кичә чыгарылыш укучылары география һәм рус әдәбия­тын­нан имтиханнар тап­шыр­ды. Таләпләрнең катгыйлануы һәр укучыга аңлатылса да, Интернет-сайтларда аларның башын әйләндерергә теләү­челәр аз түгел. Рособр­надзор башлыгы Сергей Кравцов андый игъланнарга алданмаска киңәш итә.

- Быелгы БДИ тестларын Интернетта сату тәкъ­дим­нәре - ялган өчен акча талау гына. Алар аны юнь бәя­дән дип кызыктырмакчы бу­ла. Мондый сайтлар исем­леге хокук саклау органнарына җибәреләчәк, - ди ул.

Республиканың мәга­риф өлкәсенә күзәтчелек итү департаменты башлыгы Гөл­нара Габдрахманова бел­­дер­гәнчә, видео җай­лан­малар БДИ барышын гына күзәтеп калмыйча, имтихан материалларын пункт­­­ларга тапшыруны да, тестларны тикшерүгә җи­бәрүне дә игътибар үзәген­дә тотачак. Имтихан бирү пунктларында кесә телефоннарын ачык­лау өчен металл эзләгечләр кулланылачак. Ә инде сы­нау­да тотылганнар аны бары икенче елда гына тапшыра ала.

БДИны тапшыру авыр дисәләр дә, башка елларга караганда, быелгы укучыларга мөмкинлекләр аз тудырылмады. Математика сынавын җиңел һәм катлаулыга бүлү, инглиз те­леннән "сөйләм" өле­шен кертү, мәҗбүри фән­нәрдән "2ле"­не төзәтү мөм­кин­леге, вузларга кер­гәндә укудагы казанышларны (инша нәтиҗә­ләре, ГТО нор­малары, алтын медаль) исәпкә алу... Болар барысы да укучылар файдасына. Уку алдынгыларына уңышлары өчен 20 баллга кадәр өстә­лергә мөмкин. Инглиз те­ленә кагылышлы яңалык мәҗбүри түгел, әмма аны сайлау югары балл тупларга яр­дәм итәчәк. Имти­ханның язма өле­шендә иң югары балл - 80. Ә телдән өлешен тапшырып, тагын өстәмә 20 балл җыярга була. Шулай итеп, 100 балл туплау мөм­кин­леге бар.

Математиканы ике бас­кычлы итү гума­нитарий­ларның хә­лен җиңеләйтә. Вузларда математика имтиханы нә­тиҗәләре таләп ителгән очракта, аның профильле дәрәҗәсен сайларга ки­рәк, ә база өлеше - аттестат алу өчен. Укучыларда инде математикага карата сораулар да туып өл­гер­гән. "Әгәр аның профиль дәрәҗәсен бирә алмасам, база өлешен тапшырырга ярыймы?" - дип кызыксынучылар бар. Про­филь им­тиханында 27 баллны туп­лый алмаган очракта, резерв көнендә аның икесен дә тапшырырга була.

Кайберәүләр чик балларга үзгәрешләр кертүгә, ягъни киметелүгә өметләнә. Ләкин Рособрнадзорда андый адымга барырга җыен­мыйлар. Чик баллар рус теле, физика, биология, хи­мия­дән - 36, математикадан - 27, информатикадан - 40, тарих, рус әдәбиятыннан - 32, географиядән - 37, җәм­гыять белеменнән - 42, чит телләрдән 22 дип бил­геләнгән.

БДИ белешмәсе дүрт елдан соң гына гамәлдән чыга. Аны 2011 елда тапшырганнар шул нәтиҗәләр бе­лән вузга укырга керә ала әле. Көллиятне тәмамлау­чыларга югары уку йортына бару өчен БДИ күрсәт­кечләре таләп ителми. Алар­га вуз сынауларын үтү дә җитә.

Татарстанда география сынавын - 300гә якын, рус әдәбиятын исә меңнән артык укучы тапшырган. Го­мумән, БДИны барлыгы 18 меңнән артык укучы бирә­чәк. 28 майда исә укучыларны рус теленнән сынау кө­тә. Имтиханнар 26 июньгә кадәр дәвам итә.

Сәрия САДРИСЛАМОВА
Ватаным Татарстан
№ 72 | 26.05.2015

Нравится
Поделиться:
Реклама
Комментарии (0)
  • 24 февраля 2018 в 12:47
    Празднование Курбан-Байрама в Казани в 1945г
  • 24 февраля 2018 в 11:08
    Выборы Динар Байтимиров
  • 21 февраля 2018 в 07:56
    Яңалыклар тапшыруын алып баручы Екатерина Андреева үз вазифасыннан азат ителде «Беренче канал»дагы «Время» тапшыруын алып баручы Екатерина Андреева Мәскәүнең кичке эфирларына чыкмый башлады. Аның урынына «Беренче канал» генераль директорының урынбасарын Кирилл Клейменовны куйдылар.
    839
    0
    1
  • 21 февраля 2018 в 08:40
    СОҢГЫ СЕЛФИ ҺӘМ ХУШЛАШУ СҮЗЛӘРЕ… /ФОТО, ВИДЕО/ Кичә Ижевскта апалы-сеңелле ике кыз кичкырын биек йортның соңгы катындагы балконнан сикергәннәр. 15 яшьлек Настя һәм 12 яшьлек Маша үз-үзләренә кул салыр алдыннан инстаграмга видео һәм хушлашу сүзләре язып салганнар.
    762
    0
    0
  • 21 февраля 2018 в 17:06
    Җырчы Иркәгә нәрсә булган?! «Нооо,авыр да булды бу кон…» дип, башлаган сүзен Иркә үзенең аккаунтында.
    563
    0
    0
  • 21 февраля 2018 в 19:09
    Мәскәү салкыннары Татарстанга килә 23-28 февральдә Россия башкаласында уртача температура нормадан 7-12 градуска кимрәк булачак.
    439
    0
    1
  • 23 февраля 2018 в 16:53
    Ләйсән Гыймаева яңалыгы белән уртаклаша Ләйсән Гыймаеваның өченчегә бәбәй көткәнен күбесе инде күптән сизеп алса да, җырчы бу көннәргә кадәр һаман сер бирмәде: «әйе» димәде, «юк» димәде.
    419
    0
    1
  • 21 февраля 2018 в 18:10
    Казанбаш мәктәбе укучылары агулану буенча тикшерү төгәлләнгән Арча районында гаеплеләр җәзага тартылган.
    412
    0
    0
  • 22 февраля 2018 в 11:12
    Контрактчы Илнар ялга кайткан Бүген районыбыздан 95 егет Россиянең төрле төбәкләрендә хәрби бурычын үти. Егетләрнең күбесе Домодедово, Мытищи, Йошкар-Ола шәһәрләрендә хезмәт итә. Быел барлыгы 254 егет хәрби хезмәткә чакыру комиссиясенә киләчәк.
    391
    0
    2
  • 23 февраля 2018 в 15:04
    Ике яклы кеше үзенә урын таба алмый Саба мәчетенә атна саен җомга намазына ике йөзләп кеше җыела икән. Җыйнак кына мәчеттә бер залга гына сыеша алмыйча, икенчесенә чыгалар. Шуңа күрә халык акчасына һәм оешмалар ярдәме белән яңасын сала башлаганнар. Мәчеткә йөрүчеләр арасында яшьләр дә күп. Дөрес, бу гамәлне аңлап кабул итүчеләр дә, хупламаучылар да бар.
    352
    0
    2