Белгечләр фонтанда су коену зыянлы булуын кисәтә

Фонтанда су коену салкын тидерү белән генә түгел, төрле инфекцияләр йоктыру белән дә куркыныч булырга мөмкин. Бу хакта Кулланучылар хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) хәбәренә сылтама белән РИА Новости хәбәр итә.

«Фонтанда су коену кискен эчәклек инфекциясе, респиратор инфекциясе, конъюнктивитлар китереп чыгарырга мөмкин. Шулай да төп куркыныч булып энтеровируслы, ротавируслы инфекцияләр, А вируслы гепатит тора», — дип аңлатканнар ведомствода.

Моннан тыш, шәһәр фонтанында коенып, андагы коммуникацияләрдән яки утлардан имгәнүләр алу куркынычы бар.

Кулланучылар хокукларын яклау һәм кеше иминлеге өлкәсендә күзәтчелек федераль хезмәте өлкәннәргә һәм балаларга сак булырга, ә иң яхшысы фонтаннарда коенудан бөтенләй баш тартырга тәкъдим итә.
 

Фото: Ильнар Тухбатов

tatar-inform.tatar