“Бердәм Россия” партиясе рәисенең җәмәгатьчелекне кабул итү бүлмәсе ачылганга быел 5 ел тулды

Татарстанда "Бердәм Россия" партиясе рәисенең җәмәгатьчелекне кабул итү бүлмәсе ачылганга быел 5 ел тулды. Шул уңайдан узган җомгада партиянең төбәк бүлеге башкарма комитетында шушы чордагы эшчәнлеккә анализ ясап, аеруча яхшы күрсәткечләргә ирешкән кабул итү бүлмәләренең районнарда урнашкан филиалларын билгеләп уздылар. Җәмәгатьчелекне кабул итүне тиешле дәрәҗәдә оештыру, халыкның борчу-мәшәкатьләрен, килеп туган мәсьәләләрен чишүдә актив катнашканы өчен Саба җирле бүлеге җәмәгатьчелекне кабул итү бүлмәсе җитәкчесе Фәрит Зарипов "Бердәм Россия" партиясе башкарма комитетының Рәхмәт хатына лаек булды.