Саба таңнары

Сабинский район

Яңалыклар

Бу атнада һава басымы күтәрелүне кайбер кешеләр авыр кичерәчәк — КФУ доценты

21 ноябрьдә атмосфера басымы кисәк төшеп, терекөмеш баганасының 722 мм тәшкил иткән, бу ел дәвамында иң түбән күрсәткеч булган.

Бу атнада пәнҗешәмбедән җомгага кадәр атмосфера басымы күтәрелүне һава торышына аеруча сизгер булган кешеләр сизәчәк.

Бу хакта КФУның Метеорология, климатология һәм атмосфера экологиясе кафедрасы доценты Тимур Әүһәдиев «Татар-информ» агентлыгында матбугат конференциясендә әйтте.

Ул, шулай ук, ноябрьнең, кояш нурлары аз булып, явым-төшем күп булганлыктан һәм һава басымы кисәк уйнаганлыктан, депрессив ай булганын билгеләп узды.

«Кәефе һава торышына бәйле кешеләр атмосфера басымының кисәк я менүе, я төшүен үз халәтләрендә бик тойды. 21 ноябрьдә атмосфера басымы кисәк төште: терекөмеш баганасының 722 мм тәшкил итеп, ел дәвамында бу иң түбән күрсәткеч булды. Мондый күрсәткеч дүрт ел элек күзәтелгән иде», — диде.

Тимур Әүһәдиев сүзләренчә, ноябрь кояш нурларына бик саран булып, айлык норманың өчтән берен генә алганыбызны әйтте. Айлык норма 35 сәгать булганда, кояш нурларын 12, 9 сәгать кенә сирпегән.

Ноябрьдә явым-төшем буенча айлык норма ике тапкыр арттырып үтәлгән. «Беренче ун көнендә үк айлык норма яуды. 29 ноябрьдә Казанда 33 мм явым-төшем яуган, бу метеокүзәтүләр тарихында иң югары күрсәткеч», — диде КФУ доценты.

Фото: Денис Гордийко

Чыганак: tatar-inform.tatar

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев