Динә Гарипова кәләш булды [+фото]

Бүген иртән Татарстанның атказанган артисты Динә Гарипова Instagram аша үзенең туеннан беренче фотографияне урнаштырды. Яшь парларның гомер бәйрәме узган атнада узды.

Динә фотография астына: «Яңа тормышның башы», - дип язып куйган. Инде котлаулар шактый җыелган.

Динә Гарипова туйга кадәр булачак ире турында артыгын сөйләмәгән иде. Шоу-бизнеста кайнамавын, Динәдән берничә яшькә олырак булуын, матбугатта чагылырга яратмавын гына белдек.

Туй Казанда уздырылган, анда ике яктан да туганнар гына чакырылган. Шуннан яшь пар ширбәт аен уздырырга ике атналык сәяхәткә кузгалган.

http://baltasi.ru/