Экспертлар һәм Татарстан халкы сайлаучыларның уңайлылыгы турында фикер алышачак

автор, 10 июнь 2021 - 08:04

574

11 июньдә Татарстанда федераль экспертлар һәм җирле активистлар сайлау процессына быел кертеләчәк яңалыклар һәм сайлаучылар белән аралашуга бәйле үзгәрешләр турында фикер алышачак.

«Минем тавышым» форумы сәгать 12дә башлана, утырыш темасы түбәндәгечә формалаштырылган: «сайлаулар-2021: сайлаучының уңайлыгына курс».

Чараны оештыручылар билгеләп үткәнчә, соңгы елларда сайлау системасы җитди үзгәрде. Алар фикеренчә, барлык үзгәрешләр сайлаулар процедурасын сайлаучыга максималь уңайлы итү өчен юнәлдерелгән. «Сайлау участокларына барысы да кереп өлгерсен өчен тавыш бирү вакыты арта, тавыш бирүдә катнашучыларның сәламәтлеге турында кайгыртыла, әгәр сайлаучы онытып калдырса дип, керү юлында ручкалар бирәләр», — дип мисаллар китерә алар.

Моннан тыш, цифрлы трансформациягә зур игътибар бирелә. “Сайлаучылар социаль челтәрләргә килә, сайлаучының уңайлылыгына юнәлдерелгән цифрлы сервислар эшли", — дип билгеләп үтә чараны оештыручылар.

Форум эшендә экспертлар онлайн-коммуникацияләр һәм цифрлаштыру сайлау процессына ничек тәэсир итәчәк һәм аның халык өчен ни дәрәҗәдә уңайлы булачагы турында фикер алышачак.

Җанлы дискуссия Татарстан Республикасы Үзәк сайлау комиссиясенең Youtube сайтында трансляцияләнәчәк https://youtu.be/EyC-oqYwarQ. Тамашачыларның үз сорауларын турыдан-туры эфирда бирү мөмкинлеге булачак.

Форум экспертлары - ТР Үзәк сайлау комиссиясе рәисе Андрей Кондратьев, РФ Иҗтимагый палатасының мәгълүмати җәмгыятьне, ММЧ һәм массакүләм коммуникацияләрне үстерү комиссиясе рәисенең беренче урынбасары, Дистанцион Электрон тавыш бирүне Иҗтимагый күзәтү буенча эшче төркем җитәкчесе һәм «Санкт-Петербург» телеканалы генераль директоры Александр Малькевич, ТР Дәүләт идарәсенең Цифрлы үсеш, мәгълүмати технологияләр һәм элемтә министры Айрат Хәйруллин. «Диалог» компетенцияләр үсеше үзәге җитәкчесе Андрей Цепелев һәм интернет-технологлар Ассоциациясен гамәлгә куючы, РАСО әгъзасы, «Волга» эксперт клубы модераторы Владимир Кутилов. Форумның модераторы РФ ФҖ Дәүләт Думасы депутаты Олег Морозов булачак.

«Минем тавышым» сайлаучылар форумы — сайлау процессында катнашучылар: сайлаучылар, сайлау комиссияләре әгъзалары, иҗтимагый оешмалар һәм иҗтимагый фикер лидерлары өчен даими эшләүче дискуссия мәйданчыгы. Сессия вакытында чакырылган экспертлар республика халкы белән бергә электрон процессларны үстерү турында фикер алышалар.