Саба таңнары
  • Тат Лат
  • Ел башыннан банк карталарыннан караклык очраклары арткан

    «Кешеләрнең алданырга гына торуы шаккаттыра», — ди Татарстан прокуроры.

    Ел башыннан банк карталарыннан караклык очраклары арткан. Бу хакта Татарстан прокуроры Илдус Нәфыйков ТР Министрлар Кабинетында брифингта әйтте.

    «Интернет мөмкинлекләре киңәю белән елдан ел мошенниклык очраклары да арта», — диде ул. 2020 ел башыннан 2 меңнән артык мошенниклык очраклары ачыкланган, шуларның 1,5 меңгә якыны — банк счетларыннан урлау. 

    Илдус Нәфыйков былтыр 4,5 мең мошенниклык очрагы теркәлгәнен искәртте, 2018 ел белән чагыштырганда, бу күбрәк.

    «Кешеләрне тозакка эләкмәскә өйрәтергә кирәк. Атна саен 50 млн сумга кадәр акча урлана. Кешеләрнең алданырга гына әзер торуы шаккаттыра», — ди прокурор һәм халыкны уяу булырга өндәде.

    Матбугат конференциясендә катнашкан хокук саклау органнары вәкилләре кешеләрнең һаман да артык ышанучан, беркатлы булуын, карталарның пин-кодын беркемгә әйтмәскә һаман өйрәнеп җитә алмауларын ассызыклады.

    Фото: архив/Султан Исхаков

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: