Фәнис Җиһанша: кызганыч, кәнфит тә, велосипед та тәтемәде

Фәнис ҖИҺАНША, Камал театры артисты:
- Дөресен генә әйткәндә, беренче хезмәт хакымның кайчан һәм күпме булганын хәтерләмим, чөнки бик иртә эшли башладым. 4-5нче сыйныфлардан алып, мәктәпне тәмамлаганчы, комбайнда булышчы вазифасын үтәдем. Өлкән комбайнчы әти булгач, барлык эшләп тапкан хезмәт хакым гаилә бюджетына кереп бара иде. Ләкин кайсыдыр елны 300 сум биргәннәре истә. Бер велосипед ул елларда 92 сум тора иде. Мин шунда, бу акчага өч велосипед алырга һәм туйганчы кәнфит ашарга була икән, дип уйлаган идем. Ләкин, кызганыч ки, кәнфит тә, велосипед та тәтемәде, ә миңа дәрес әзерләргә өстәл сатып алынды.

Безнең гәҗит

2015, №13 (1 апрель)