Явлаштау балалары кәгазьгә кышкы бизәкләр төшерәләр

Балаларның көтеп алган кышкы каникул чоры иң матур вакыт. Табигать үзенең матур һава торышы белән сөендерә, Яңа елга зур өмет, ышанычлар белән аяк басу үзе бер рәхәтлек бирә. Каникулны дөрес һәм файдалы итеп уздыру максатыннан китапханәдә күптөрле чаралар планлаштырыла. «Кышкы бизәкләр” дип исемләнгән рәсем конкурсы уздырылды. Балалар кышкы табигать күренешләре белән бәйле рәсемнәр ясадылар, бу чара күңелле уеннар белән дәвам итте. Соңыннан барлык балалар да истәлекле бүләкләр белән бүләкләнделәр.