Илфат Габдрахмановның ни сәбәпле үлүе билгеле

Владимир Васильев: "Моның сәбәбе, аңа кислород җитмәүдән хәле начарлануда. Аңарда астма, үпкә эмфиземасы иде. Хастаханәгә йөрергә яратмады... Аны хастаханәгә озаткан көнне хәле чыннан да начар иде, "ашыгыч ярдәм" килде һәм алар аны өйдә калдырырга батырчылык итмәде. Хастаханәдә ул өч тәүлек кислород астында булды. Ни өчен аңа ярдәм итә алмадылар, үзебезгә дә аңлашылмый ", - диде ул.

Әңгәмәдәш сүзләренчә, башта Илфат инфекция хастаханәсенә озатыла, анда барлык кирәкле анализлар алынган һәм компьютер томографиясе ясалган. Аннан ул 18 шәһәр хастаханәсенең пульмонология бүлегенә күчерелгән, реанимациядә булган. Фирая Габдрахманова энесе белән аны әниләре үстерүен билгеләп үтте. Элек алар Яшел Үзәндә яшәгәннәр, әмма Илфат Казанга күчкәч, аның артыннан алар да күченгән.

"Без бер гаилә булып яшәдек, мин ике-өч йорт аша гына торам. Беренче булып ул фатир сатып алды, аның өчен без дә күчендек. Һәр көнне аралаштык... Ул беркайчан да хәлем начар дип зарланмады, ә аңа бит бик авыр иде - астма..." – дип сөйләде телевидение алып баручысының апасы.

Фото: ТНВ

Чыганак: sntat.ru