Саба таңнары

Сабинский район

18+
2024 - Гаилә елы
Яңалыклар

Илсур Һадиуллин: Югары уку йортларында бюджетка керүнең икенче дулкыны бетерелде

Министр югары уку йортларына кабул итү кагыйдәләренә кертелгән төп үзгәрешләр турында сөйләде.

Татарстанның мәгариф һәм фән министры Илсур Һадиуллин югары уку йортларында бюджет урынына керүнең икенче дулкыны беткәнен әйтте.

«Әгәр элек беренче этапта бюджет урыннарының 80 проценты тулып, 20 проценты икенче этапка калган булса, хәзер инде бюджет урыннарына кабул итү бер генә тапкыр булачак», — диде министр Хөкүмәт йортында узган брифингта. Ул бу яңалыкны абитуриентлар өчен уңайлы булачагын аңлатты. Быелдан булачак студентка ике мәртәбә кайгырырга кирәкмәячәк.

Министр кабул итү кагыйдәләренә кертелгән башка төп үзгәрешләр турында да сөйләде. Укырга керүче бер үк вакытта 5 югары уку йортына гариза тапшыру хокукын саклый. Элек абитуриент документларны бары тик 3 белгечлеккә генә бирә алган булса, хәзер ул уку йортының ун юнәлешен сайлый ала.

Быел конкурс исемлегендә укырга керүчеләрнең фамилиясе, исеме, атасының исеме күрсәтелмәячәк. Моның урынына СНИЛС номеры булачак.

Вузлар беренче чиратта илкүләм олимпиада җиңүчеләрен, ташламалары булган абитуриентларны һәм оешмалардан алган максатчан юлламасы булганнарны кабул итәчәк. Алга таба бюджет урыннарына керү конкурс исемлеге буенча барачак. Министр әлеге мөмкинлекне илкүләм олимпиада җиңүчеләре үзләре теләгән уку йортларына керә алсын өчен булдырылганын әйтте.

Илсур Һадиуллин сүзләренчә, Татарстанда быел илкүләм олимпиадаларда 213 җиңүче булган. Тугыз ел рәттән республика олимпиада җиңүчеләре саны буенча Мәскәү һәм Санкт-Петербургтан гына калыша икән. 

Фото: архив/Султан Исхаков/Татар-информ

Чыганак: tatar-inform.tatar

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X