«Инстаграм»да артистлар тормышы [+фото]

18 гыйнвар көнне бер төркем җырчылар «Йөрәктән - йөрәккә» дип исемләнгән хәйрия концертында катнашты. Тамашачылар арасында Салават та бар иде.



Айгөл Бариева бездәге 25 градус суыкка түзмичә, Сингапурга китеп барды. Җырчы иренми: көненә әллә ничә сурәт урнаштыра. Шул ук вакытта туган ягын сагынуын да яшерми.



Илназ Сафиуллин, тырышып-тырышып, өенә ремонт ясый. Бүлмәләрнең планнарын тәкъдим итеп, дусларыннан киңәш сорарга да онытмый.



Илназ Гарипов туган авылы Хәсәншәехкә кайтып (Арча), әбисе һәм әнисе белән селфи төшкән. Фото астына «Минекеләрдән сәлам» дип тә язып куйган.

Ландыш КӘБИРОВА
Шәһри Казан