Иштуган укучылары ветераннар аллеясына һәм обелискка шефлык оештырдылар

Иштуган авыл җирлегендә 1985 елда сугышта һәлак булучылар истәлегенә һәйкәл-обелиск ачылды һәм ветераннар аллеясы булдырылды. Һәйкәл-обелискны ачу тантанасында 56 ветеран катнашкан булса, кызганычка каршы, Җиңүнең 67 еллыгын без ветераннардан башка гына каршыладык. Иштуган урта мәктәбе укучылары күп еллар инде обелискка һәм ветераннар аллеясына шефлык оештыралар. Һәр елны бер класс обелиск биләмәсен тәртипкә китерә, җыештырып тота. Бу чара укучыларда истәлекле урыннарга карата ихтирам, ветераннарга хөрмәт хисләре тәрбияләүдә зур роль уйный.