Казан XI Мөселман киносы фестивалене бюджеты якынча 15 миллион сум тәшкил итәчәк

Ул узган елгыдан аерылмый, дип хәбәр ителде ТР Мәдәният министрлыгында узган матбугат конференциясендә


Казан XI Мөселман киносы фестиваленең бюджеты быел да үзгәрешсез калачак һәм якынча 15 миллион сум тәшкил итәчәк. Бу хакта бүген ТР Мәдәният министрлыгында узган матбугат конференциясендә ТР мәдәният министры урынбасары Гүзәл Нигъмәтуллина хәбәр итте.

"Фестивальнең бюджеты үзгәрешсез калачак. Аның 2 миллион сумы ТР Мәдәният министрлыгыннан, 1,9 миллион сумы ТР Президенты гранты рәвешендә, 8 миллион сумы бюджеттан өстәмә бүлеп бирелә. Тулаем бюджет исә якынча 15 миллион сум тәшкил итәчәк", - диде ул.

Лилия Локманова

Татар-информ