Саба таңнары

Сабинский район

18+
2024 - Гаилә елы
Яңалыклар

Казан янында танклар колоннасын видеога төшереп алганнар

Видеода ике дистәгә якын танкны санарга һәм аларның торак йортлар янында нинди зур тавыш чыгаруын ишетергә мөмкин.

Казан янында танклар колоннасын видеога төшереп, социаль челтәрләргә урнаштырганнар.

Кичә көндезге унберләр тирәсендә Көек бистәсендә «Светлый» торак комплексы яныннан танклар колоннасы узган. Хәрби техниканы комплекста яшәүче бер хатын-кыз видеога төшереп алган.

«Аларның безнең яннан гына узып китүе гаҗәпкә калдырды. Гадәттә, биредә хәрби өйрәнүләр уза, әмма танкларның безнең коймага «терәлеп» диярлек үтеп китүен күргәнебез юк иде әле», - дип сөйләде видео авторы Кристина.

Видеода ике дистәгә якын танкны санарга һәм аларның торак йортлар янында нинди зур тавыш чыгаруын ишетергә мөмкин.

Шул тирәдә яшәүчеләр әйтүенчә, алар еш кына өйрәнүләр үткәрелә торган җирдән хәрби техникадан аткан тавышлар (кайчагында хәтта төнлә дә) ишетә икән.

«Бер көнне шуның аркасында күрше фатирда яшәүчеләрнең дивардагы телевизоры идәнгә килеп төшкән», - дип хәбәр итте Кристина. 

Фото: социаль челтәр

Чыганак: tatar-inform.tatar

Следите за самым важным и интересным в Telegram-каналеТатмедиа


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X