Кукмара районында һәлакәт: 26 яшьлек ир-егетнең гомере өзелгән [+фото]

2 июньдә, көндезге сәгать унберенче яртылар тирәсендә, Өлге - Иске Юмья- Лесхоз юлының бишенче чакрымында коточкыч юл-транспорт һәлакәте булган. Бу хакта Кукмара районы Эчке эшләр бүлеге начальнигы Рамил Нургалиев "Хезмәт даны"на хәбәр иткән.

Йөк төягән "КамАЗ" машинасы "УАЗ" буханка белән кара-каршы бәрелешә. Нәтиҗәдә "УАЗ" шоферы - 1989 елгы ир-егетнең гомере урында ук өзелә. "КамАЗ" шоферы район үзәк хастаханәсенә озатыла. Фаҗиганең сәбәпләре ачыклана.

Мәрхүмнең гаиләсе, якыннары һәм туганнарының тирән кайгысын уртаклашабыз. Барысына да күркәм сабырлыклар бирсен.

Интертат.ру

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен