Кырымтатар активисты протест йөзеннән үзенә ут төртте
Акмәчетнең Стрелковая бистәсендәге төзелешкә протест йөзеннән кырымтатар активисты Ватан Карабаш үзенә ут төртте. Тирә-яктагы кешеләр янгынны тиз арада сүндерә алган.
Ут төртер алдыннан Ватан Карабаш бу гамәлне хакимиятләрнең башбаштаклыгына каршы кылуы турында белдергән.
2 август Акмәчетнең Стрелковая бистәсендә яшәүче кырымтатарлар төзелеш ширкәте аларның җирләрен койма белән уратып алуга каршылык күрсәтте. Җомга көнне алар шәһәрнең Русия куйган хакимияте янына килде һәм җитәкчелек белән очрашу таләп итте.
Пәнҗешәмбе каршылык чыккан урынга полиция дә килгән иде. Эшчеләр койма кую өчен казыклар урнаштыруга комачаулаган кырымтатарларны полициягә утыртырбыз дип кисәтте.
Фото: https://ru.krymr.com/
Следите за самым важным и интересным в Telegram-каналеТатмедиа
Нет комментариев