Өлкән яшьтәге татарстанлыларга түләүсез юридик ярдәм күрсәтеләчәк

Түләүсез консультацияләрне 29 сентябрьдә 10нан 13 сәгатькә кадәр Казанның Халыклар Дуслыгы йортында алып булачак.

(Казан, 25 сентябрь, "Татар-информ"). 29 сентябрьдә өлкән яшьтәге татарстанлылар түләүсез юридик ярдәм ала алачак. Әлеге акцияне Татарстан Юстиция министрлыгы оештыра, дип хәбәр итә "Татмедиа" АҖ матбугат хезмәте.

Чарада Татарстан Пенсия фонды, медико-социаль экспертиза, салым хезмәте, республика министрлыклары, шулай ук адвокат һәм нотариуслар катнаша.

Түләүсез консультацияләрне 29 сентябрьдә 10нан 13.00 сәгатькә кадәр Казанның Халыклар Дуслыгы йортында: Павлюхин ур., 57 йорт, 1 корпуста алырга була.

Белешмәләр өчен телефон: (843) 223-02-13.

http://tatar-inform.tatar