Итсез дә тәмле: Камыры юка, эчлеге сусыл булган кабаклы мантый рецепты

Кирәкле ингредиентлар:

Камыр өчен:

• Он — 450–500 г
• Су яки сөт — 200 мл
• Йомырка — 1 данә
• Тоз — чеметем

Эчлек өчен:

• Кабак — 500–600 г (төшләреннән чистартылган)
• Суган — 2 зур баш (якынча 300 г)
• Акмай яки туң май — 50–70 г (яки үзегез теләгәнчә)
• Тоз, кара борыч — тәменчә
• Зира (кумин) — ярты чәй кашыгы (теләгән очракта)

Әзерләү тәртибе:

1. Камыр басу Калайга онны салыгыз, уртасында чокыр ясагыз. Су, йомырка һәм тозны салып, тыгыз, сыгылмалы камыр басыгыз. Камыр бераз катырак булырга тиеш. Аны полиэтилен капчыкка төреп, ким дигәндә 30 минутка бүлмә температурасында калдырып торыгыз. Бу вакыт эчендә камыр «ял итә» һәм яхшырак языла.

2. Эчлек әзерләү Кабакның кабыгын чистартыгыз һәм төшләрен алыгыз. Иң мөһиме: кабакны угычтан чыгарырга түгел, ә пычак белән вак шакмакларга турарга кирәк. Вак итеп туралган кабак парда пешкәндә формасын саклый һәм согын югалтмый. Суганны да шулай ук вак итеп турагыз. Туралган кабак һәм суганны тирән савытка салыгыз. Өстенә тоз, борыч, зира сибегез. Акмайны (яки туң майны) шакмаклап турап, яшелчәләр арасына кушып болгатыгыз. Май булмаса, берничә аш кашыгы үсемлек мае да салырга мөмкин.

3. Мантылар ясау Камырдан озынча «колбаса» ясап, аны кисәкләргә (шарчыкларга) бүлегез. Һәр шарчыкны диаметры 10-12 см, калынлыгы 2-3 мм булган түгәрәк итеп җәегез. Түгәрәкнең уртасына 1-1,5 аш кашыгы эчлек салыгыз. Мантыларны гадәттәге кебек өчпочмак яисә конверт рәвешендә ябыгыз. Традиция буенча, кабаклы мантыларны өске ягыннан «бөке» (җыерчыклар) ясап ябалар.

4. Пешерү Мантоварка (манты-казан) астагы катлавын тутырып, су кайнатыгыз. Пар чыгара торган катлауларны көнбагыш мае белән майлагыз (камыр ябыкмавы өчен). Мантыларны рәт-рәт тезегез, араларына аз гына урын калдырыгыз. Савытны капкач белән каплап, кыза башлаганнан соң 40–45 минут парда пешерегез.

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен