Әлмәт башлыгы машинаны "ятып йөри торган" велосипедка алыштырган [+фото]

Әлмәт районы Башкарма комитеты җитәкчесе Айрат Хәйруллин җаваплы оешма җитәкче һәм белгечләре белән берлектә шәһәрнең төзеклеге белән танышып чыккан. Гадәти эш кебек тоелса да, район башлыгының үзгә велосипед белән йөрүе гаҗәпләндерә.

"Ятып йөри торган" мондый велосипед лигерад, яки рикамбент, дип атала икән. Анда җилдерү ни дәрәҗәдә уңайлыдыр, әйтүе кыен. Шунысы гына тәгаен: Айрат Хәйруллин көн дәвамында шәһәрнең шактый урамнарында булырга, халык белән аралашырга, җаваплы оешма җитәкчеләренә бурычлар йөкләргә өлгергән.

Интертат.ру